Sút bezi obyry azaıar emes

Máselen, 2023 jyly Qazaq­­stan­­­­da ja­ńadan 5 500 adam­nyń sút bezi obyryna shaldyq­qany anyq­talsa, dári­gerlerdi naýqas­tar­dyń ja­saryp bara jat­qany alań­datady.

– Osy jýyrda ǵana jasy 23-ke tolǵan naýqasta sút bezi obyry órshı bastaǵanyn bildik. Son­dyqtan qaterli isikti asqynbaı turǵanda anyqtap, em-domyn erte bastaýǵa barynsha nazar aýdaryp otyrmyz. О́zde­ri­ńizge belgili, 2023 jyly onkologııalyq keseldermen kúresýdiń keshendi jos­pary qabyldandy. Osy joba arqyly áıelder ara­syn­daǵy qaterli isikti der kezinde anyqtaý úshin jańa sıfrlyq mammograftar ornatýdy kózdep otyrmyz. Qazirgi tańda obyr bastapqy satylarynda 100 paıyz der­lik em-domǵa kónedi, – dedi «Qazaq onkologııa jáne radıologııa ǵylymı-zertteý ınstıtýty» AQ tóraıymy Dılıara Qaıdarova.

О́kpe obyry, sút bezi obyry, onkoýrologııa, melanomalar men isikke qarsy dárilik terapııa­ny basqarý sııaqty bes ba­­ǵyt­ty qamtyǵan «Onko­­Renessans-2024» ha­lyq­­aralyq ǵylymı-tá­jirı­be­lik mektebine otandyq onko­logtermen birge AQSh, Reseı, Italııa, Fransııa, Ispanııa, Latvııa, Túrkııa, Qytaı, Grýzııa, Belarýs, Ázerbaıjan elderinen kelgen spıkerler men hımıoterapevter, onkohırýrgter, rentgenologter men jas mamandar qatysty.

Kási­bı jıynǵa qatysý­shy­­lar otan­dyq jáne she­teldik sa­rap­shylardan sút bezi qaterli isiginiń On­co­type DX dıagnostıkasy, on­ko­logııadaǵy moleký­la­lyq-ge­netıkalyq dıagnostıka, sáýlelik jáne targetti terapııanyń zamanaýı ádis­te­ri jáne onkologııadaǵy ǵyly­mı jańalyqtar týraly aqpa­rat almasty.

Qazaqstanda onkologııa­lyq kómek Densaýlyq saq­taý mınıstr­liginiń stra­te­gııa­lyq jospary men 2023-2027 jyldarǵa ar­nal­ǵan onkologııalyq aýrýlar­men kú­res jónindegi keshendi jos­par sheńberinde ilge­ri­lep jatqanyna toqtala ketken jón. 2023 jyly dına­mı­ka­lyq baqylaýda 218 213 onkologııalyq pasıent bolsa, olardyń sany sany 5,7%-ǵa ósken. Buǵan deıin jazylǵandaı, birin­shi orynda – sút bezi, ekinshi orynda – toq ishek, úshinshi orynda – ókpeniń qaterli isigi, tórtinshi orynda – asqazan qaterli isigi, besinshi orynda jatyr moıny obyry tur. Statıstıka boıynsha qaterli isikterden bolatyn ólim kórsetkishi 2,8%-ǵa tómendep, 2023 jyly qaterli isik túrlerine 12 920 adam kóz jumǵan.  0-I satydaǵy onkologııalyq aýrý­lardyń erte dıagnos­tıkasy 2023 jyly 5,2%-ǵa ul­ǵaıyp, qaterli isikterdiń jańa jaǵdaılarynyń jalpy qu­ry­lymynda 30,5%-dy qurady.

– Bul másele Memleket bas­shysynyń nazarynda turǵany belgili, Prezıdent tapsyrmasyn oryndaı otyryp, onkologııalyq qyzmetti jańǵyrtý maqsatynda ob­lystyq onkologııalyq dıs­panserlerde sáýlelik te­ra­pııa­ǵa arnalǵan jańa ap­parattar, zamanaýı sıfr­­lyq mammograftar, za­ma­naýı 128-kesindi kom­pıýterlik tomograftar satyp alyndy. «Qazaqstan halqyna» qaıy­rymdylyq qorynan da qo­maqty qarjy bólinip jatyr. Bıyldyń ózinde jańa KT sımýlıatorlary men sáýlelik terapııaǵa arnalǵan 6 sáýlelik údet­kishter aldyq. Bul quryl­ǵy­lar Astana, Almaty, Semeı jáne Petropavl qala­larynda ornatylady. Sondaı-aq «Qazaqstan hal­qyna» qory balalarǵa da, eresekterge de qymbat tu­ra­tyn ınnovasııalyq tar­getti preparattardy satyp alýǵa 15 mlrd teńge­den asa qarajat bóldi. «Qazaqstan halqyna» qory mamandarymyzdy shetelde oqytýǵa da qarjy bóldi. Ha­lyqaralyq yntymaq­tas­ty­ǵymyzdyń nátı­­jesin­de otandyq onkologter she­tel­derde, Eýropada bilim alyp, tájirıbe baıy­typ, Qa­zaqstanǵa jańa ınno­vasııalyq emdeý jáne dıag­nos­tıkalyq ádisterdi ákelip otyr», deıdi elimizdiń bas onkologi.

Qazirgi ýaqytta elimizde  tegin onkoskrı­nıng­tiń 3 túri bar bolsa, der kezinde jasalǵan dıagnostıkalaý arqyly 2022 jyly sút bezi qaterli isigine shaldyqqan naýqastardyń 5 jyldyq ómir súrý kórsetkishi 71,6%-ǵa, jatyr moıny obyry bo­­­ıynsha 67,5%-ǵa, toq ishek obyry boıynsha 52,9%-ǵa deıin ulǵaıǵan.

Elimizde eresekterge ar­­nalǵan onkologııalyq kó­mekti «Qazaq on­kologııa jáne radıologııa ǵy­­lymı-zertteý ınstıtýty» AQ (QazOjRǴZI), «Ulttyq ǵy­lymı onkologııalyq orta­lyq» AQ (UǴOO) sııaqty respýblıkalyq uıym­­dar, 15 onkologııalyq dıspanser, ortalyqtar, kópbeıindi stasıonarlar janyndaǵy 5 onko­logııalyq bólimsheler atqarady.

ALMATY