Ultymyzdyń kúsh-qaıraty men birlik-berekesiniń mekeni bolǵan kıeli Ulytaýda týyp, jer jánnaty Jetisýdyń tórindegi aspanmen astasqan Alataýdyń asqaraly bıikterin baǵyndyrǵan, búkil ulttyń saýlyǵyn keń tarmaqty saıasat deńgeıine kótergen, tabıǵaty taza, bolmysy tarlan qaıran Tór-aǵa – Tóregeldi Sharmanuly!
Qanyna sińgen qazaqtyń qaıratkerligi men keńdigi, Alash arystary amanattaǵan azamattyǵy sonaý «Azamat» partııasynyń qatarynda ol kisimen ıyq tirese eldik jolynda ter tókken kúnderimizde de aıqyn kóringen edi.
Qansha jasqa kelse de taýsylmaǵan, qazynasy ortaımaǵan, kezdeskende kókirek keýdeńdi ashyp, sóılese qalsa, sýsynyńdy qandyryp, júzdeskende janyńdy jadyratqan qaıran darııa aǵa máńgilik saparyna ozdy.
Janynyń jaısańdyǵyn, júreginiń jazıralyǵyn, júziniń jylylyǵyn umytpaımyz.
Marqumnyń aldy – ózine, sońy – eline jaryq bolsyn!
Murat ÁÝEZ,
qoǵam qaıratkeri, mádenıettanýshy