27 mamyrdan 28 mamyrǵa qaraǵan túni Aqtóbede jappaı tóbeles bolyp, 9 jigit aýrýhana jetkizildi, dep jazady Egemen.kz.
Birneshe jerden pyshaq jáne oq jaraqatyn alǵan 18 jastaǵy turǵyn jan saqtaý bóliminde kóz jumdy.
Túnde Jedel medısınalyq kómek aýrýhanasyna jetkizilgen ózge 18-22 jas aralyǵyndaǵy jigitter de pyshaq jáne oq jaraqattaryn alǵan.
Qalalyq polısııa basqarmasy osy iske qatysy bar degen 4 kúdiktini ustady.
«Kúdiktiler ýaqytsha ustaý ızolıatoryna qamaldy. «Adam óltirý», «Buzaqylyq» derekteri boıynsha qylmystyq is tirkelip, sotqa deıingi tergep-tekserý bastaldy», dedi Aqtóbe oblysy Polısııa departamentiniń baspasóz hatshysy Erbolat Sarqulov.