Myń jyldyq mura

Saltanatty is-sharaǵa Ál­keı Marǵulannyń qyzy Da­nel­ Mar­ǵulan, Máde­nıet jáne aqparat vıse-mınıstri Erbol Áliqulov, Parlament Senatynyń depý­ta­ty Altynbek Nuh­uly, memleket jáne qoǵam qaıratkeri Darhan Myńbaı, aıtys aqyny Baıanǵalı Álimjan, fılologııa ǵylym­dary­nyń doktorlary, profes­sor­lary Serik Negı­mov, Tursyn Jurt­baı, bas­qa da zııaly qaýym ókilderi qatysty.

«Álkeı Haqanulynyń aýdar­­ǵan hattary, maqalalary, qa­zaq da­lasynan tapqan erekshe sý­ret­teri, oqý oryndarynda jaz­ǵan eńbek­teri búgingi ǵy­lymı aınalym­nyń súbeli mate­rıaldarynyń qatary­na kiredi. Álkeı Haqanuly kóp ashyla bermegen kóne dáýir­ler­ge saıahat jasap, bizdiń baıyrǵy mádenıetimizdi aq qaǵazǵa altyn áriptermen jazǵan ǵalym. Álkeı Marǵulannyń 100 jyldyq me­reıtoıy IýNESKO sheńberinde atalyp ótti. 2003 jyly S.Toraı­ǵyrov atyndaǵy Pavlodar mem­lekettik ýnıversıtetiniń aldynda jáne 2007 jyly Almatydaǵy Ulttyq ǵylym akademııasynyń ja­nynda qoladan bıýst-eskert­kish ornatyldy. Sondaı-aq Baıanaýyl aýdanynyń Qundykól aýlyn­daǵy jalpy orta bilim berý mektebi men Baıanaýyl ortalyǵynda ornalas­qan kóshege esimi berildi», dedi vıse-mınıstr Erbol Áliqulov.

Ǵalymnyń qyzy Danel Mar­ǵulan áke esimin ardaqtaǵan aýqym­dy is-shara úshin alǵys aıtyp, eskirmes estelikterimen bólisti.

Kórmege Álkeı Marǵulan­nyń ómirinen syr shertetin 90-nan asa qundy qujat qoıyldy. Atap aıtsaq, «Shoqan Ýálıhanovtyń kórkem murasy» maqalasy, «Qa­zan ýnıversıtetinen alynǵan qol­jazbalar», «Qola dáýiri qorym­dary» maqalasy, sondaı-aq Joshy han kesenesi men Aısha bıbi maza­rynyń syzbasy, Mańǵystaý ólke­siniń etnografııalyq jazbala­ry, rý tańbalary, arhıtektýra­lyq qurylys materıaldarynyń syzbalary men sýretteri tanys­tyryldy.