Kezekten tys prezıdenttik saılaý qarsańynda hokkeıden Qazaqstan qurama komandasy el jankúıerlerine úlken syılyq jasady. Polshanyń Krakov qalasynda ótip jatqan birinshi dıvızıondaǵy (A toby) álem chempıonatynda qazaqstandyq hokkeıshiler qatarynan tórt márte jeńiske jetip, merziminen buryn kileń myqtylar shoǵyrlanǵan joǵary dıvızıonǵa joldama aldy.
Qazaqstan quramasy áýeli Ýkraına quramasyn 5:2, sodan keıin Vengrııa quramasyn 5:0, kelesi kezekte Japonııa quramasyn 7:2 jáne jergilikti Polsha quramasyn 3:2 esebimen utty. Sóıtip, qarsylastar qaqpasyna 20 shaıba soqqan qazaqstandyqtar óz qaqpasyna bar-joǵy 6-aq shaıba jiberip aldy. Osylaısha, Qazaqstan quramasy Italııamen búgin bolatyn sońǵy oıyn nátıjesine qaramaı-aq álemdik birinshiliktiń TOP-16-sy qataryna qosyldy.
Dastan KENJALIN,
«Egemen Qazaqstan».