QOSTANAI. 16 qańtar. Qostanaı oblysynda ákimderdiń esep berýi bastaldy. Bul týraly egemen.kz tilshisi habarlady.
Aýyldyq, seolyq okrýgter ákimderiniń turǵyndarymen kezdesýi qańtardyń 14-nen bastaldy. Onda ákimder ár okrýgtegi ótken jyldaǵy bitken isterdi saralap, jańa jyldaǵy atqarylar jumystardy irikteıdi. Oblys ákiminiń baspasóz hatshysy habarlaǵandaı, qańtardyń aıaǵyna qaraı, ıaǵnı aıdyń 27-nen bastap, bul estafetany aýdan, qala ákimderi jalǵastyrady. Aýdan, qala ákimderiniń esebin aqpan aıynyń 11 juldyzynda Qarabalyq ákimi aıaqtaıdy. Oblys ákimi Nuraly Sádýaqasovtyń oblys jurtshylyǵy ókilderimen esepti kezdesýi 18 aqpanǵa belgilendi.
Elbasy tapsyrmasyna sáıkes barlyq deńgeıdegi ákimderdiń esep berý maýsymy jyl saıyn ótedi. Esepti kezdesýlerde oblys óńirlerin ekonomıkalyq-áleýmettik damytýdyń jyldyq qorytyndylary ortaǵa salynady. Ákimder aýyl, aýdan turǵyndarynyń suraqtaryna jaýap beredi. Oblys turǵyndarynyń aımaq ákiminiń esebine deıin kókeıkesti suraqtaryn aldyn ala joldaýlaryna múmkindikter jasalǵan.
Názıra Járimbetova.
Derek, sýret: egemen.kz.