Qostanaı oblysynda sýǵa batý boıynsha bir kúnde eki oqıǵa tirkeldi, dep jazady Egemen.kz Qostanaı oblysynyń TJ departamentine silteme jasap.
Qaıǵyly jaǵdaı Arqalyq qalasy, Leker aýylynda boldy. 2003 jylǵy jas jigit Torǵaı ózeniniń arnaıy shomylýǵa jabdyqtalmaǵan aýmaǵyna túsken. Qutqarýshylar balanyń máıitin ózen túbinen alyp shyqty.
Ekinshi jaǵdaı Qostanaı qalasy, Amangeldi aýylynda boldy. Tobyl ózeniniń jaǵasynan jasóspirim balanyń uıaly telefony men velosıpedi tabylǵan edi. Oqıǵa ornynda jedel qutqarý jasaǵynyń izdestirý jumystary júrgizilip, nátıjesinde ózennen 2010 jylǵy balanyń máıiti tabyldy.
Aldaǵy ýaqytta osyndaı qaıǵyly oqıǵalardy boldyrmaý úshin sý aıdyndarynda tómendegi qaýipsizdik erejelerin saqtaýlaryńyzdy suraımyz:
Sýǵa tek qana ruqsat etilgen jerler men jaǵajaılarda shomylyńyzdar; Sýǵa túskende bir-birińizdi kózden tasa qylmańyz; Qorshaý belgilerinen tysqara aýmaqqa shyqpańyz; Qutqarýshylarǵa jalǵan dabyl bermeńizder.
Erlan KIIKBAI,
EUÝ stýdenti