20 tonna qoqys shyǵaryldy

Bul aksııa eldi mekender aýma­ǵyn qoqystan tazartýǵa baǵyt­talǵan. Aldyn ala óńirdegi eldi meken­der­diń mańynda lastanǵan aýmaq­tar­dyń kartasy jasalǵan edi. Mine, osy jerler endi partııa músheleriniń, qarapaıym belsendilerdiń, memlekettik jáne úkimettik emes uıym ókilderiniń erekshe nazaryna alyndy. Ár ýchas­kege par­tııanyń bastaýysh partııa uıym­dary men aýdandyq fılıaldary bekitildi. Osylaısha, qoqys qaptaǵan aýmaqtar júıeli túrde tazartylyp, baqylaýǵa alynatyn boldy. Sondaı-aq bul jer­lerge qoqys jáshigin ornatý, aýmaq­ty kógaldandyrý, jol men trotýar­dy jóndeý sııaq­ty máseleler qolǵa alyndy. Infra­qurylymdy abat­tandyrý, aýmaq­ty damytý kún tár­ti­bine qoıy­la­tyn boldy.

Qazir óńirde ár aptanyń beı­senbisi tazalyq kúni retinde beki­tildi. Bul aksııa halyqtyń eko­logııalyq mádenıetin kóterip, ja­ńasha kózqaras qalyp­tas­ty­rý­ǵa múmkindik berip otyr.

Osyndaı úlgili jumystyń bir parasy jaqynda Shyńǵyrlaý aýdanynda ótti. «Amanat» partııasy Shyńǵyrlaý aýdandyq fılıa­lynyń atqarýshy hatshysy Azamat Taǵanııazov, aýdan­dyq ardagerler keńesiniń tóraǵasy, partııa ardageri Sabyr Sámıev, máslıhat depýtattary, zııa­ly qaýym ókilderi, ardagerler keńesiniń músheleri, partııa qyz­metkerleri, aýdandyq «Jas­tar rýhy» qozǵalysynyń bel­sen­dileri, bastaýysh partııa uıymdary men BAQ ókilderi qatysqan senbilik kezinde Shyń­ǵyr­laý aýdandyq saıabaǵy qoqys­tan tazaryp, jańaryp qaldy. Aksııany uıym­das­ty­rý­shy­lar­dyń aıtýynsha, saıa­baq­tan 20 tonnaǵa jýyq qoqys shy­ǵa­rylǵan.

Batys Qazaqstan oblysy