ASTANA. 26 sáýir. Búgin tańerteń elimizde Qazaqstan Prezıdentiniń kezekten tys saılaý bastaldy. Bul týraly «QazAqparat» habarlady.
Keshe Ortalyq saılaý komıssııasynyń ókilderi eldegi barlyq saılaý ýchaskeleriniń daýys berý kúnine daıyn ekendigin málimdedi.
2015 jyldyń aqpan aıynda Qazaqstan halqy Assambleıasynyń músheleri kezekten tys Prezıdent saılaýyn ótkizý týraly QR Parlamenti Májilisiniń depýtattaryna Úndeý joldaǵan bolatyn.
«Álemdik ekonomıkalyq daǵdarys pen kúrdeli halyqaralyq jaǵdaı oryn alyp otyrǵan tusta saılaý ótkizý týraly jalpyhalyqtyq bastamanyń kóterilýi - ýaqyt talaby», delingen bolatyn Úndeýde.
«Sonymen birge, 2016 jyly prezıdenttik jáne parlamenttik saılaýlar bir mezgilge sáıkes keledi. Konstıtýsııa normalaryn buljytpaı oryndaý maqsatynda eki saılaýdy ártúrli kezeńderde ótkizgen jón», degen QHA Keńesi músheleri.
Kezekten tys saılaý barysyn halyqaralyq uıymdardan jáne shet memleketterden 1024 akkredıttelgen baıqaýshy baqylaıdy.
Respýblıka boıynsha tańǵy saǵat 7.00-de barlyq saılaý ýchaskeleri ashyldy.
Qurysh Nurymbet.
Derek, sýret: QazAqparat.