ASTANA. 26 sáýir. Qazirgi kúnderi Ońtústik Koreıada týrnede júrgen Qazaqstan armııashylarynyń taekvondodan qurama komandasynyń músheleri Qazaqstan Prezıdenti úshin saılaýda birinshi bolyp daýys berý quqyǵyna ıe boldy. Bul týraly Qazaqstan Qorǵanys mınıstrliginiń baspasóz qyzmeti habarlady.
«Ýaqyttyń aıyrmashylyǵyna qaraı Qazaqstan Qorǵanys mınıstrligi Ortalyq armııa sport klýby taekvondo komandasynyń oıynshylary Qazaqstan Respýblıkasy Prezıdentiniń saılaýynda Astana qalasynyń turǵyndarynan bes saǵat buryn daýys berdi», - delingen habarlamada.
Koreı túbeginde júrgen qazaqstandyq armııashylar saılaýda daýys berý úshin Inchhon qalasynan arnaıy saılaý ýchaskesi ashylǵan Seýlge arnaıy kelgen.
Áskerı qyzmetkerlerdiń biri Almas Muqamanovtyń aıtýynsha, elimizdiń bolashaǵy qazir bizdiń árbirimizdiń qolymyzda tur.
«Men Qazaqstan Respýblıkasyna qyzmet etemin jáne prezıdent saılaýyna qatysýdy ózimniń azamattyq boryshym sanaımyn. Biz qaıda júrsek te, árbir qazaqstandyqtyń daýysy mundaı kezde mańyzdy bolyp tabylady», - dep atap kórsetti ol.
Aıta ketýimiz kerek, búgin qazaqstandyq áskerı qyzmetkerler álemniń taǵy Reseı, Belarýs, Ýkraına, Túrkııa, AQSh, Qytaı, Ulybrıtanııa, Germanııa jáne Úndistan sekildi elderinde ispasarlarda júr. Olardyń árbiri úshin osy elderde daýys berý múmkindikteri jasalyp qoıylǵan.
Qurysh Nurymbet.
Derek, sýret: Qazaqstan Respýblıkasynyń Qorǵanys mınıstrligi.