Damylsyz «Danone Berkut» jylyna 12 000 tonna sút ónimderin óndiredi

Osydan bes jyl buryn údemeli ındýstrııalyq-ınnovasııalyq da­mý memlekettik baǵdarlamasy aıasynda Ile aýdany, Baıserke aýylyna kelip sút ónimderin óńdeıtin zaýyt salýǵa kirisken ınvestorǵa halyq zor senim artqany aqıqat. О́ıtkeni, agrarly oblysta aq mol bolǵanymen ózindik qunyn aqtamaı rásýa bolyp jatqan-tyn. Quny 3 068 mln. teńge turatyn jobany nebary jarty jylda júzege asyrý úshin qurylys jumystaryn júrgizýge turǵylyqty halyqtan 137 adamdy jumysqa qabyldap, ýáde údesinen shyǵa bilgen ınvestorǵa halyq razy boldy. Sóıtip, Jetisý jerine sheteldik ınvestısııa tartyp, otandyq aýylsharýashylyq ónimderin qabyldap, sút, aıran, ıogýrt, irimshik syndy jańa sút ónimderin rynokqa shyǵa­ryp, úlken suranysqa ıe bolǵan edi bul zaýyt. Taǵy bir artyq­shylyǵy – aýylda jańa jáne qosymsha jumys oryndaryn ashyp memlekettik salyq tólem­derin de der kezinde quıýda. «Álemde sút ónimderin óndirý­de kóshbasshy bolyp tanyl­­ǵan kompanııamyzdyń usta­nymy – osy dám arqyly adam densaýlyǵyna paıda tıgizý. 140 elde ónimimiz satylady. Al Qazaqstan rynogyna kelgenimizge 10 jyl boldy. Biraq Almaty oblysynda zaýyt qurylysyn salyp, jumys júrgizý úshin údemeli ındýstrııalyq-ınnovasııalyq memlekettik damý baǵdarlamasy arqyly 17 mıllıon eýro ınvestısııa salýǵa sheshim qabyldaǵannan keıin ǵana bizdiń osy elge kelýimiz aıqyndalyp, isimiz ilgeri basty. Muny biz ýaqyt talaby dep túsinemiz. Búginde Ile aýdanyndaǵy zaýytta biz 50-den astam sút ónimderin óndirip, tek Qazaqstan ǵana emes, kórshi memleketterge de shyǵaryp satýdamyz. Jalpy, 300-ge jýyq qazaqstandyq, sonyń ishinde 67 jetisýlyq bizdiń kompanııamyzda jumys isteıdi. Eń bastysy, sol jumyskerler sany turaqty túrde ósýde. Onyń negizgi tetigi shyǵarǵan ónimimizge suranystyń kúnnen kúnge ósýi bolyp otyrǵany belgili. Almaty oblysyndaǵy 11 iri aýylsharýashylyq qury­lymymen uzaq merzimdi kelisim jasasyp, sıyr sútin satyp alyp óńdeımiz. FSSC 22000 standartyna sáıkes keletin sút ónimderimiz dúnıejúzine keńinen tanylǵan eń qaýipsiz tamaq bolyp sanalady. Biz qoıǵan talabymyzǵa saı jumysqa qabyldaǵan qyzmetkerlerimizdi oqytyp, úıretemiz. Birqatar me­nedjerlerimiz Reseıge, Fransııaǵa jiberilip, tájirıbelerin tolyq­tyryp, biliktilikterin arttyryp, sony osy eldiń ındýstrııalyq da­mýyna jumsaýdamyz. Olardyń basqa dúnıege qyzyqpaı, týyp-­ósken jerine oralýy da biz úshin qýanysh. Sóz sońynda aıtarym, kez kelgen el áleýmettik turǵyda da­my­maı, ekonomıkalyq ósý ónbeı­di. Sondyqtan balalar oınaı júrip oı-órisin damytýy úshin «Bala­lar alańy» atty uly maqsat aıasyn­da jańa qurylystardyń boı kóte­rýine biz atsalysamyz. Sóıtip, Qa­zaqstannyń álemdegi damy­ǵan 30 eldiń qatarynan oryn alýyna ózindik úlesimizdi qosýdy maq­sat etýdemiz», dedi Ortalyq Azııa jáne Kavkazdaǵy «Danone Berkut» JShS bas dırektory Reno Shamonal. Qoryta aıtqanda, bul óńir­diń maly ósimtal bolady. So­nyń ishinde suranysqa oraı sút baǵy­tyndaǵy sıyr malyn asyl­­dandyrý durys jolǵa qoıyl­­ǵan. Qu­daıǵa shúkir, sol sútti sıyr­lar bereke bulaǵyn aǵyzýda. Ma­lynyń qońyn taıdyrmaýdy oılaǵan sharýa sútti irgedegi ońtústik megopolıske tasymaldap áýrege túspeıtini taǵy bar. Biraq sút ónimderin qabyldaıtyn bul óndiris orny – «Danone Berkut» JShS shıkizat sapasyna, sanıtarlyq tazalyǵyna qatań talap qoıýda. Árıne, talap qoıýmen shektelmeı, sút ótkizetin sharýa qojalyqtary múshelerin shıkizatty saqtaý, tasymaldaý sekildi qajettilikterge jan-jaqtyly oqytyp, úıretip, keńes berýde de tııanaqtylyq tanytýda. Bile-bilsek, bul da órkenıetke umtylýdyń tyń qadamy emes pe?! Nurbol ÁLDIBAEV, «Egemen Qazaqstan». Almaty oblysy, Ile aýdany, Baıserke aýyly.