Tarıhı oryndaǵy ıgi is

Mańǵystaý aýdanynda aksııa aıasyndaǵy kezekti tazalyq ju­mystary «Jasyl el» jastar ja­­sa­­ǵynan 20 jas belsendiniń qaty­­sýymen «Otpan taý tarıhı-máde­nı kesheniniń» aýmaǵynda júr­­gi­zildi. Eriktiler turmystyq qal­­dyq­tardy jınap, ǵımarat ishin jáne oǵan irgeles aýmaqty kúl-qoqystan tazalady.

Ekologııalyq aksııa aıasyn­da Mań­ǵystaý aýdanynda «Ybyq­ty saı» shatqalynyń, Tobyqtydaǵy «Beket ata» jerasty meshitiniń, «Masat ata» qorymynyń aýma­ǵyn­da, sondaı-aq Aqmysh pen Sherqalada senbilikter uıym­das­tyrylǵan bolatyn. Sondaı-aq Ońdy aýylynda 200 aǵash, Jyńǵyldy jáne Jarmysh aýyldarynda 100 aǵash jáne Shebirde 30 aǵash otyrǵyzylǵan bolatyn.

Túpqaraǵan aýdanynyń Aq­shuqyr aýylynda ornalasqan «Qoshqar ata» qorymynda M.О́skin­­baev atyndaǵy Mańǵystaý oblys­tyq fılarmonııasynyń qyzmet­kerleri men Q.Sydıyqov atyn­daǵy Mańǵystaý oblystyq ámbe­bap kitaphanasynyń qyzmet­ker­leri tazalaý jumys­ta­ryn júr­gizdi. Jergilikti ma­ńy­zy bar tarıh jáne mádenıet eskert­kishteriniń memlekettik tizimine, sondaı-aq Mańǵystaý oblysynyń óńirlik mańyzy bar kıeli obektileriniń tizimine engizilgen qorymnan zertteý jumysynyń nátıjesinde 81 eskertkish bekitilgen.

«Taza Qazaqstan» aksııasyna úles qosýdan Munaıly aýdany da qalys qalǵan joq. N.Jantórın atyndaǵy Mańǵys­taý oblystyq mýzykalyq-drama teatrynyń ártisteri, Mańǵystaý oblysy Memlekettik muraǵatynyń ujymy, sondaı-aq «Mańǵystaý oblysynyń Mádenıet, tilderdi damytý jáne arhıv isi basqarmasyna qarasty «Otpan» MKQK ujymynyń qatysýymen Baıandy aýylynyń mańyndaǵy «Berdibek áýlıe» qorymynyń aýmaǵynda jalǵasty. Jergilikti mańyzy bar tarıh jáne mádenıet eskertkishteriniń memlekettik tizimine engizilgen «Berdibek áýlıe» qorymynda qulpytastar, tas qorshaýlar jáne tastan jasalǵan ártúrli pishin bar. Mundaǵy basty nysan kúmbeztamnyń eń ejel­gisiniń qurylys tastary jarty­laı óńdelgen ulýtastardan sa­z bal­shyq aralastyrylyp kóldeneń qala­nýymen erekshelenedi.

«Taza Qazaqstan» aksııasy Qaraqııa aýdanyndaǵy «Bozjyra» shat­qalynyń aýmaǵynda «Qyzyl­saı memlekettik óńirlik parki» KMM ınspektorlary men belsendi jastardyń qatysýymen jalǵasty. Jyl basynan beri «Jabaıushqan» memlekettik qory­ǵynyń aýmaǵynda ornalasqan «Bozjyra» shatqalyna ártúrli elden júzdegen týrıst kel­di desek, týrısterdiń kóp bolýyna baılanysty ártúrli qaldyq ta kóp jınalady. Aksııa barysynda 20 qaptan astam túrli qoqys jınalyp, arnaıy polıgonǵa jóneltildi. «Jabaıushqan» qoryǵynyń basshysy J.Esenǵalıev týrıstik aýmaqqa keletin jastarǵa aýmaq­ty taza ustaý, órt qaýipsizdigi ere­je­­lerine qatań nazar aýdarý, bıik shyńdary bar jartastarǵa jaqyn­damaý, barynsha qaýipsizdik shara­laryn saqtaý boıynsha túsin­dirý jumystaryn júrgizdi.

Mańǵystaý oblysynda «Taza Qazaqstan» ekologııalyq aksııa­syn júrgizý belsendi iske asyrylyp jatyr. Turǵyndar men qonaqtar tazalyq-tártipti saqtap, tazalanǵan jerlerdi túrli qoqys-qaldyqtarǵa toltyrmaı, jan-jaǵyn, demalǵan oryndaryn jınap júrýdi úırense, aksııaǵa úles qosqan árbir jannyń eńbeginiń aqtalǵany bolar edi.

Mańǵystaý oblysy