Qarjy mınıstri Mádı Tákıev Parlament palatalarynyń birlesken otyrysynda 2023 jylǵy respýblıkalyq bıýdjettiń qalaı atqarylǵany týraly esep berdi, dep habarlaıdy Egemen.kz.
Onyń sózinshe, 2023 jyly ishki jalpy ónim 5,1%-ǵa ósken.
«Jyldyq ınflıasııa deńgeıi 2 esege tómendep, 9,8% kóleminde turaqtaldy. Jalpy bıýdjet tapshylyǵy 3,1 trln teńge nemese jalpy ishki ónim 2,6%. Memlekettik borysh 27,2 trln teńge nemese ishki jalpy ónimge 22,8%-ǵa jetti. Respýblıkalyq bıýdjettiń kiristeri boıynsha jyldyq jospar 99,9%-ǵa oryndalyp, bıýdjetke 19 trln teńge túsken», dep aıtty mınıstr otyrysta.
Qarjy mınıstriniń málimetinshe, bıýdjettiń shyǵystary 99,6% atqarylyp, 22,4 trln teńgege jetti. Igerilmegen qarajat 73 mlrd teńge bolsa, Úkimet rezervin qosa alǵanda 27 mlrd teńge únemdeldi.
Sonymen qatar byltyr Ulttyq qordyń aktıvteri 13,4%-ǵa ulǵaıyp, 60 mlrd dollarǵa jetken.