Qyrǵyzstanda qaza tapqan tórt qazaqstandyq balanyń máıiti О́skemenge jetkizildi, dep habarlaıdy Egemen.kz ShQO ákimdigine silteme jasap.
«Búgin qaza tapqandardyń máıiti arnaıy ushaqpen О́skemenge jetkizildi. ShQO ákimdigi balalardyń týystaryna kómek kórsetý úshin jedel shtab qurdy, onyń quramyna oblystaǵy barlyq qyzmetterdiń mamandary kirdi», delingen oblys bıliginiń habarlamasynda.
Janazany uıymdastyrý men ótkizýdi jergilikti atqarýshy organdar men meshit óz moınyna aldy. О́ńirdegi kásiporyndar men kásipkerler de otbasylarǵa kómek kórsetýge daıyn ekendikterin jetkizdi.
Qyrǵyzstannyń Osh oblysynyń Nookat aýdanynda 28 maýsym kúni joıqyn sel boldy. Laı aǵynynyń saldarynan joldar men kópirler qırap, turǵyn úıler sý astynda qaldy. Shyǵys Qazaqstan oblysy ákimdiginiń naqtylaýynsha, qaıtys bolǵandardyń arasynda Qyrǵyzstandaǵy týystaryna qonaqqa barǵan qazaqstandyq tórt bala bar.
Sondaı-aq «Abshyr-Ata» demalys aımaǵynan 1400 demalýshy evakýasııalandy. Tótenshe jaǵdaı jarııalandy.