Májilis depýtaty, «Amanat» partııasy fraksııasynyń múshesi Muqash Eskendirov Jambyl oblysyna jumys sapary aıasynda Taraz qalasyndaǵy birqatar nysandy aralap júr. Keshe depýtat №15 mektepke japsarlas salynyp jatqan ǵımarattyń qurylys barysymen tanysty.
Májilis depýtaty halyqpen kezdesý barysynda partııanyń «Halyqpen birge!» saılaýaldy baǵdarlamasyn jergilikti jerlerde iske asyrý sapasyn taldaýǵa erekshe kóńil bólip keledi.
– Jalpy, 781 bala bilim alatyn ǵımarat biraz ýaqyttan beri oqýshylarǵa tarlyq etti. Partııa depýtattary osyny eskere kele, byltyr quzyrly organdarǵa mektepke japsarlas ǵımarat salý týraly usynys aıttyq. Máseleni sheshý maqsatynda bıyl oblystyq bıýdjetten 2,5 mlrd teńge bólinip, 300 orynǵa arnalǵan ǵımarat salyna bastady, – dedi depýtat.
Josparǵa sáıkes qurylys jumysy keler jyldyń aqpan aıynda aıaqtalýǵa tıis. Bul jańalyq jergilikti turǵyndardy qýantty. Sebebi keı ata-analar balalaryn shalǵaı ornalasqan mektepke aparýǵa májbúr.
Partııanyń saılaýaldy baǵdarlamasy aıasynda óńirde byltyr 2 550 oqýshyǵa arnalǵan 5 jańa mektep salynyp, 3-ýi kúrdeli jóndeýden ótti. Merki aýdany Merki aýylynda 300 oryndyq balalar mýzyka mektebi paıdalanýǵa berildi. Bıyl 5 myńnan astam orynǵa arnalǵan 9 mektep salý kózdelip otyr.