Prezıdent keńesshisi Málik Otarbaev Ulytaý oblysynda bolyp, birqatar kezdesý ótkizdi. Alǵashqy kezdesý oblystyń ımamdarymen ótti, dep habarlaıdy Egemen.kz.
Kezdesýge Ulytaý oblysy aýmaǵynda qyzmet etip turǵan meshitterdiń bas ımamdary qatysty. Kezdesýde Memleket basshysynyń Ulttyq quryltaıdyń «Adal adam-Adal eńbek-Adal tabys» taqyrybynda ótken úshinshi otyrysyndaǵy dástúrli dinı qundylyqtarymyzǵa qatysty aıtqan oılary talqylandy.
Málik Nurjanuly sonymen qatar óńirdiń shyǵarmashylyq ıntellıgensııa ókilderi, etnomádenı birlestikter jetekshileri, BAQ basshylary, jastarmen kezdesti. Kezdesýde qoǵamdaǵy ózekti máseleler týraly pikir almasty.
Oblysqa jumys sapary barysynda Prezıdent keńesshisi «Joshy han» tarıhı-mádenı kesheni, Alashahan, Dombaýyl keseneleri men Ulytaý aýdanynda bolyp, tarıhı oryndardy aralady.