Sońǵy ýaqytta AQSh prezıdenti Djo Baıdenniń densaýlyq jaǵdaıyna baılanysty baspasóz-hatshysy Karın Jan-Perge kóptep suraqtar qoıylyp, prezıdenttiń Parkınson dertine shaldyǵýy múmkin degen kúdik kúsheıe bastaǵan edi, dep jazady Egemen.kz.
Kazinform habarlaǵandaı, osyǵan baılanysty Aq úı Djo Baıdenniń densaýlyq jaǵdaıy jóninde hat jarııalady.
Qujatta AQSh prezıdentiniń kelisimi boıynsha Aq úıge Parkınson derti boıynsha maman, doktor Kevın Konnordyń kelý sebebine baılanysty málimetter jarııalanǵan.
Naqty aıtqanda K.Konnor Aq úıdiń medısına bóliminde 2012 jyldan beri nevrologııa boıynsha konsýltant qyzmetin atqarady jáne nevrologııa salasynda tájirıbesi óte zor maman. Onyń kóptegen ulttyq marapattary bar jáne klınıkalyq biliktiligi óte joǵary baǵalanady.
Prezıdent jyl saıyn optometrııa, stomatologııa, ortopedııa, fızıoterapııa, nevrologııa, uıqy medısınasy, kardıologııa, radıologııa men dermatologııa sııaqty baǵyttar boıynsha medısınalyq tekserýden ótedi.
«Jan-jaqty jasalǵan nevrologııalyq tekserý Parkınson dertin qosa alǵanda nevrologııamen baılanysty qandaı da bir derttiń joq ekenin kórsetti»,-delingen 28 aqpanda jasalǵan tekserý qorytyndylaryna baılanysty qujatta.