Astanadaǵy jeke úı turǵyndaryna úılerine gaz jabdyqtaryn ornatý úshin áleýmettik kómek beriledi, dep jazady Egemen.kz.
Elorda ákimdiginiń málimetinshe, osy kómekti alýǵa nıetti turǵyndar men onyń otbasyndaǵy basqa adamdarda ekinshi úı bolmaý kerek. Sondaı-aq jan basyna shaqqandaǵy ortasha tabys eń tómengi kúnkóris deńgeıinen aspaýy tıis.
Áleýmettik járdemaqy alýǵa myna sanattaǵy azamattar úmitker bola alady:
jasy boıynsha zeınetkerler;
múgedektigi bar adamdar;
múgedektigi bar balalar;
kóp balaly analar men kóp balaly otbasylar;
jetim balalar, ata-anasynyń qamqorlyǵynsyz qalǵan balalar, balalar úıiniń túlekteri;
asyraýshysynan aırylý jaǵdaıy boıynsha memlekettik járdemaqy alatyn azamattar (birge turatyn 18 jasqa deıingi kámeletke tolmaǵan balalarǵa, onyń ishinde 23 jasqa deıingi kúndizgi bólimde oqıtyn balalar).
Áleýmettik kómektiń mólsheri ótinish berýshiniń gaz jabdyǵyn júrgizýge jáne ornatýǵa baılanysty naqty shyǵyndary negizge ala otyryp aıqyndalady. Dese de onyń mólsheri 479 960 teńgeden aspaıdy.
Áleýmettik kómek alý úshin myna jerde talap etilgen qujatty quzyrly mekemege ótkizý kerek.