Sınoptıkter 15 maýsymǵa arnalǵan aýa raıy boljamyn jarııalady. Ońtústik sıklon jáne onymen birge keletin atmosferalyq fronttardyń áserinen elimizde turaqsyz aýa raıy saqtalady, dep habarlaıdy Egemen.kz.
Mamandardyń málimetinshe, soltústik-batysta, soltústikte, ońtústik-shyǵysta, ońtústikte, ortalyqta kún kúrkirep, burshaq jaýady. Qatty jelmen birge nóser jaýyn da jaýýy múmkin.
Respýblıka boıynsha jel kúsheıedi, ońtústik-batysta, soltústikte túngi jáne tańerteńgi ýaqytta tuman túsedi.
Kúndiz Almaty, Atyraý oblystarynda, Abaı oblysynyń ońtústiginde aptap ystyq bolady. Atyraýda, Mańǵystaý, Batys Qazaqstan, Jambyl, Abaı, Aqtóbe, Shyǵys Qazaqstan oblysynyń ońtústik-shyǵysynda joǵary órt qaýpi saqtalady.
Mańǵystaýda, Túrkistan oblysynyń shóldi aýdandarynda, Jambyl oblysynyń batysynda jáne Ulytaý oblysynda, Qostanaı oblysynyń ońtústiginde, ortalyǵynda, shyǵysynda, Qyzylorda oblysynyń ońtústiginde, Atyraý oblysynyń ońtústik-shyǵysynda tótenshe órt qaýpi bar.