INTELLEKTÝALDYQ MEKTEP TÚLEKTERI EL ISINE ADAL

Memleket basshysynyń atyna Astana qalasyndaǵy Qazaqstan Respýblıkasy Tuńǵysh Prezıdentiniń fızıka-matematıka baǵytyndaǵy ıntellektýaldyq mektebiniń túlekterinen hat kelip tústi, dep habarlady Qazaqstan Respýblıkasy Prezıdentiniń baspasóz qyzmeti. Bıylǵy jyly osy oqý ornynyń alǵashqy túlekteri mektep bitirdi. Avtorlar mek­teptiń 38 túleginiń 12-si ha­lyqaralyq olımpıadalar men ǵylymı jobalar jarys­ta­ryna, respýblıkalyq pándik olımpıadalarǵa qatysýshylar men júldegerler ekenin habarlaǵan. Ulttyq biryńǵaı testileý nátıjeleri boıynsha mektep alǵan ortasha ball 114,59, al eń tómengi ball 101 bolǵan. Eki túlek 124 balldan  alǵan. “Altyn belgi” tós belgisinen on úmitkerdiń bári de óz bi­limderin dáleldep shyqqan. Túlekterdiń kópshiligi Astananyń jańa ýnıversı­te­tine qabyldaýdyń úsh kezeńi­nen oıdaǵydaı ótken. Birqatar túlekter IELTS jáne TOEFL aǵylshyn tilderin bilýge ar­nalǵan testileýdiń, sondaı-aq matematıka men fızıka boı­ynsha aǵylshyn tilinde tap­syrylǵan eki deńgeıli emtı­han­dardyń nátıjeleri boıyn­sha AQSh pen Ulybrı­tanııanyń jetekshi tehnıkalyq ýnıversıtetterinen shaqyrý aldy. Jekelegen túlekter Qa­zaqstan men Reseıdiń jetekshi joo-larynyń granttaryna ıe bolyp otyr. “Biz Qazaqstannyń bola­shaq ındýstrııalyq jáne eko­nomıkalyq sekirisi úshin qajet mamandyqtardy tańdadyq. Bul aeroǵaryshtyq ınjınırıng, aqparattyq tehnologııalar, elektronıka, energetıka, na­no­tehnologııalar jáne bas­qalar. Biz Sizdiń atyńyzdaǵy bar­lyq oqý oryndary Sizdiń senimińizdi aqtap, otandyq bilim júıesiniń kósh bastaý­shylary bolatynyna, keıin­nen búkil Qazaqstan boıynsha endiriletin osy zamanǵy oqý baǵdarlamalaryn ázirleý jáne baıqap kórý jónindegi basty alańdarǵa aınalatynyna sene­miz jáne qolymyzdan kelgen­niń bárin de isteımiz. Bizder, Qazaqstan Respýb­lıkasy Tuńǵysh Prezıdentiniń alǵashqy ıntellektýaldyq mektebiniń tuńǵysh túlekteri eń bedeldi joǵary bilim alyp, ózimizdiń barlyq bilimimiz ben kúsh-qýatymyzdy bizdiń súıikti Otanymyzdyń órken­deýi úshin jumsaıtynymyzǵa Sizdi sendiremiz! Qurmetti Nursultan Ábish­uly, Sizdiń Qazaqstandaǵy bilimdi damytýǵa únemi qam­qorlyq jasap otyrǵanyńyz úshin rahmet! Bizdiń baqytty balalyq shaǵymyz úshin Sizge rahmet! Bizdiń ıntellektýal­dyq mektebimiz úshin Sizge rahmet! Sizge zor densaýlyq jáne uzaq ǵumyr tileımiz!” – delingen hatta.