Shyńǵystaýdyń boıyndaǵy eski qystaýlardyń birindegi jalpaq qara tastardyń qupııasy áli ashylmapty. Halyq «qońyraý tastar» dep ataıtyn bul oryndy kóp adam bile de bermeıdi.
Siz de kórgen shyǵarsyz. Jelide Semeı óńirindegi Abaı ólkesinde túsirildi delingen beınejazba tarap júr. Jazbada úlken qoıtastardy túrtip qalsań, syńǵyrlap san túrli ún shyǵaratynyn baıqaýǵa bolady. Jaqpar tastardyń mundaı dybystardy qalaı shyǵaratynyn jergilikti turǵyndar da bilmeıdi. Tastardyń quramynda metall kóp deıtin pikirler de joq emes. Mundaı tastar Reseıdiń Karelııa aýmaǵy, AQSh-tyń Pensılvanııa shtaty jáne Iordanııa sekildi birneshe óńirde ǵana bar eken.