Túrkııanyń Chanakkale provınsııasynda magnıtýdasy 4,7 baldyq jer silkinisi boldy, dep habarlaıdy Egemen.kz Oxu.Az saıtyna silteme jasap.
Túrkııanyń Tabıǵı apattardy basqarý basqarmasy (AFAD) jer silkinisiniń 10 shaqyrym tereńdikte bolǵanyn habarlady.
«Zilzala oshaǵy Túrkııanyń soltústik-batysynda, Egeı teńiziniń jaǵalaýynda ornalasqan Chanakkale qalasyna jaqyn jerde boldy. Bul seısmıkalyq oqıǵa jaqyn mańdaǵy birqatar eldi mekende jáne qalanyń keıbir aýdandarynda sezildi», delingen AFAD habarlamasynda.
Ázirge zardap shekkender men aıtarlyqtaı shyǵyn týraly aqparat joq.