Almaty oblysynda jańa ınvestorlardy tartý, óńirdiń ınvestısııalyq tartymdylyǵyn arttyrý boıynsha turaqty jumystar júrgizilip keledi. Atap aıtsaq, agroónerkásip keshenin damytý, kólik jáne logıstıka, týrızm, balamaly energetıka jáne ónerkásip, sonyń ishinde jer qoınaýyn paıdalanýdy damytý – negizgi strategııalyq baǵyttar.
«2026 jylǵa deıin negizgi kapıtalǵa 4,1 trln teńge ınvestısııa jáne 1,5 mlrd dollar tikeleı sheteldik ınvestısııa tartý josparlanyp otyr. 2024 jyldyń birinshi jartyjyldyǵynda oblysqa kelgen ınvestısııa 21 paıyzǵa ósip, 331,1 mlrd teńgege jetti. Investorlar úshin eń tartymdy sektor óńdeý ónerkásibi bolyp qala beredi, oǵan 2023-2027 jyldar aralyǵynda 835 mln dollardan astam ınvestısııa salý josparlanǵan», dedi oblys ákiminiń orynbasary Rýstam Isataev.
Bıyl 6 aıda 331,1 mlrd teńge kóleminde ınvestısııa tartylyp, ótken jyldyń sáıkes kezeńimen salystyrǵanda ósim 21 paıyzdy quraǵan. 2024 jylǵa arnalǵan jospar – 1 trıllıon 20 mıllıard teńge. Búgingi tańda oblys óńdeý ónerkásibine salynǵan ınvestısııa kólemi boıynsha ótken jylmen salystyrǵanda 36 paıyzǵa ósimmen oń dınamıka kórsetti, bul 40,2 mlrd teńgeden asady. Atap aıtqanda, óńdeý ónerkásibine salynǵan ınvestısııanyń 20 paıyzy taý-ken ónerkásibi men karerlerdi ıgerýden keledi. Negizgi kapıtalǵa salynǵan ınvestısııanyń negizgi úlesin shaǵyn jáne orta bıznes alady, bul jalpy negizgi kapıtal ınvestısııasynyń 81 paıyzyn quraıdy.
Osy jyldyń I toqsanynyń qorytyndysy boıynsha Almaty oblysyna tikeleı sheteldik ınvestısııanyń jalpy aǵyny 140,7 mln dollar boldy. О́ńdeý sektoryndaǵy tikeleı sheteldik ınvestısııa úlesi 69 paıyz nemese 96,8 mln dollarǵa jetti.
Bul rette aımaqqa transulttyq kompanııalardy (TUK) tartý jumystary belsendi júrgizilip jatyr. Qazir oblysta 5 transulttyq kompanııa jobalaý men qurylystyń belsendi kezeńine ótti.
Tarqatyp aıtsaq, amerıkalyq «PepsiCo» kompanııasy quny 200 mln dollar bolatyn qytyrlaq kartop óndirý jobasyn qolǵa alsa, «Focus Logistics» reseılik «Ozon»-men birlesip, 151 mıllıon dollarǵa deıingi somaǵa A klasyndaǵy qoımalardy salýǵa kirispek. Bul jobalar 2023-2027 jyldar aralyǵynda júzege asyrylyp, 835 mıllıon dollardan astam qarajat tartady dep kútiledi.
Jalpy, ınvestısııa tartý jáne ınvestorlardy qoldaý, sondaı-aq jańa jobalardy bastaý jumystary úzdiksiz atqarylyp jatyr jáne erekshe baqylaýda.
Osy oraıda tamaq ónerkásibinde alkogolsiz sýsyndar men basqa da azyq-túlik ónimderin óndirýmen tanymal «PepsiCo» transulttyq korporasııasynyń óńirde «Lays» kartop chıpsy zaýytyn salý jobasynyń tanystyrylymyn ótkizgenin aıta keteıik. Jańa zaýyttyń iske qosylýy 2026 jylǵa josparlanǵan. Jylyna 16 myń tonna daıyn ónim óndirýdi kózdeıdi.
«PepsiCo»-nyń Belarýs, Kavkaz, Ortalyq Azııadaǵy jetkizý tizbegin damytý jónindegi dırektory Konstantın Fedorchýk óz sózinde kompanııa negizinen jergilikti shıkizatty satyp alýǵa nıetti ekenin atap aıtty. Osy kúni otandyq fermerlermen kartoptyń synaq partııalaryn jetkizýge kelisimshart jasaý jumystary bastalǵan. Boljam boıynsha 2026-2030 jyldary 66 myń tonnaǵa deıin kartop satyp alynbaqshy.
Almaty oblysy