«Aýyl amanatynyń» qoldaýy

О́ńirde «Aýyl amanaty» baǵdar­la­ma­sy aıasynda ótken jyldan beri 1089 adam 8 mlrd 267 mln teńge somasynda shaǵyn nesıe alǵan. Bıyl respýblıkalyq bıýdjetten 14 mlrd teńgeden asa qarajat qarastyrylyp otyr. Qazirgi ýaqytta bas-aıaǵy 629 ótinim kelip túsken. Onyń jalpy somasy 5,9 mlrd teńgeni quraıdy.

Baǵdarlama aıasynda shaǵyn ká­sip­kerler men aýyl turǵyndaryna kórsetiletin qoldaý kólemi jyl sa­ıyn artyp keledi. Bul óz kezeginde aýyldyq jerlerde kásipkerliktiń damýyna úlken serpin berip otyr.

Bul kúnde «Amanat» partııasymen birlese atqarylatyn baǵdarlamanyń ıgiligin kórip, iske qosylyp jatqan shaǵyn óndiris oryndary az emes. Solardyń qatarynda Qarasaı aýdanyna qarasty Shamalǵan aýyldyq okrýginiń turǵyny Nazıra Myń­baeva partııanyń aýdandyq fılıalyna júginip, kásip ashý úshin keńes suraǵan. О́tinishi oń sheshim taýyp, «Aýyl amanaty» baǵdarlamasy arqyly jeńildetilgen nesıege qa­jetti qural-jabdyqtar men shıki­zat satyp aldy.

Sóıtip, nar táýekelmen bastaǵan isi ilgerilep, ıisi tábet ashatyn tátti nanyn turǵyndar talasa-tarmasa alatyn boldy. Baptap pisirgen óni­mi­ne suranys kóbeıgen saıyn kásip ıesiniń de qulshynysy artyp, eńbek ónimdiligin eseleı túsýde.

«Joba aıasynda kásip bastaý úshin «Amanat» partııasynyń aýdandyq fılıalyna baryp keńes aldym. Keıin 2,5 paıyzben jeńil­de­tilgen nesıemen úlken peshter, qamyr ıleıtin qurylǵy jáne taǵy da basqa qajetti qural-jabdyqtar men un, tuz sekildi shıkizattar alyp, naýbaıhana jumysyn bastap kettim. Qazir Shamalǵan aýylynda turǵyndardy sapaly nanmen qamtamasyz etip otyrmyn», deıdi kásip ıesi Nazıra Myńbaeva.

Osy kúni naýbaıhanada 6 ju­mysshy bar. О́ndiris ornynda táý­l­igine 1500 bólke nan shyǵary­la­dy. Sonymen qosa kúnara 500-600 dana bálish, pıssa, tátti toqash pisirip, dúken sórelerine jóneltedi. О́ndiris kólemi artyp, ónim túrleriniń kóbeıe túsýine baılanysty qosymsha tátti ónimder jasaıtyn kondıterlik seh ashý da josparynda bar.

Almaty oblysy