Parıjde ótip jatqan XXXIII jazǵy olımpıadada Almaty oblysynan 5 sportshy el namysyn qorǵap jatyr. Olar 3 sport túrinen olımpıada oıyndarynyń lısenzııa ıegerleri atanǵany týraly oblystyq dene shynyqtyrý jáne sport basqarmasynyń basshysy Erbolat Sarabekov málimdedi.
«Lısenzııa alǵan sportshylar sany boıynsha Almaty oblysy respýblıkalyq reıtıngte 6-orynda. Olımpııa oıyndarynda Almaty oblysynan stend atýdan – Ásem Orynbaı, Edýard Eshenko, Dmıtrıenko Marııa, oq atýdan – Chırıýkın Nıkıta, grek-rım kúresinen Demeý Jadraev synǵa túsedi», dedi basqarma basshysy.
Aımaqtyń oǵlandary baq synaǵan sporttyq saıystar qatary olımpıadamen shektelmeıdi. Kúni keshe 25 maýsym – 7 shilde kúnderi aralyǵynda Iаkýtııada VIII Halyqaralyq «Azııa balalary» sporttyq oıyndaryna óńirden 7 sport túrinen
9 sportshy qatysty. Aýqymdy is-sharanyń qorytyndysy boıynshy Almaty oblysynyń sportshylary 2 kúmis, 2 qola medaldarǵa ıe boldy.
Sondaı-aq óńir sportshylary respýblıkalyq jáne halyqaralyq jarystarda jalpy sany
1 344 medal jeńip aldy. Onyń ishinde 482 altyn, 384 kúmis, 478 qola júlde qanjyǵaǵa baılandy.
Olımpııa oıyndary aıaqtalǵannan keıin sportshylar kózge túsetin taǵy bir aýqymdy shara – V Dúnıejúzilik kóshpeliler oıyndary. Spıkerdiń aıtýynsha, halyqaralyq deńgeıdegi dúbirli dodaǵa Qazaqstan ulttyq qurama komandasynyń sapynda óner kórsetýge Almaty oblysynyń 11 sportshysy – úmitker.
«Joǵaryda atalǵan jetistikterdiń negizi – memleket tarapynan kórsetilgen qoldaýdyń nátıjıesi. Bıyl deneshynyqtyrý men sportty damytýǵa bıýdjetten 14,9 mlrd teńge bólindi. Buǵan qosa halyqaralyq arenalarda el namysyn qorǵaıtyn úzdik sportshylardy yntalandyrý maqsatynda, aımaqtaǵy 239 sportshyǵa
51 000-500 000 teńgege deıingi aralyqta Almaty oblysy ákimdiginiń stıpendııasy tólenip otyr», dedi E.Sarabekov.
Almaty oblysynda «halyqtyń 1000 adamǵa shaqqandaǵy sport ınfraqurylymymen qamtamasyz etilýi» kórsetkishi 49 paıyzdy quraıdy. Osy jyldyń sońyna deıin bul kórsetkishti 50,2 paıyzǵa jetkizý josparlanǵan.
Qazirgi tańda sport ınfraqurylymyn damytý maqsatynda «Qazaqstan halqyna» qoǵamdyq qory arqyly «Angar» úlgidegi sport keshenin salý boıynsha jumystar júrgizilip jatyr.
Almaty oblysy