Boksshymyz Nurbek Oralbaı (80 kg) Parıj Olımpıadasynyń shırek fınalynda ázerbaıjandyq Mýrad Allahverdıevten basym túsip, jartylaı fınaldyq kezeńge ótti, dep jazady Egemen.kz.
Nurbek Oralbaı osy jekpe-jeginen keıin otandyq BAQ ókilderine shaǵyn suhbat berdi. Boksshymyz óz sózinde Parıj tórine altyn enshileý úshin kelgenin nyqtap aıtty.
«Jekpe -jek oıdaǵydaı ótti. Aǵaılardyń taktıkasymen jeńiske jettik. Munymen toqtamaımyz. Parıj olımpıadasyna altyn úshin keldik. О́z oıym, komandadaǵy basqa jigitter qarsylasynan emes tóreshilerden jeńildi. Bul bizge motıvasııa beredi. Domınıkandyqtyń jekpe-jekterin áli kórmedik. Demalǵannan keıin aǵaılarmen birge qarap, taktıka quramyz. Oıdaǵydaı ótedi dep oılaımyz», dedi Nurbek Oralbaı.