11 tamyz kúni elordada «Júregimniń jeńimpazy» qaıyrymdylyq jarys-festıvali ótedi. Osyǵan baılanysty qaladaǵy biraqatar kóshe ýaqytsha jabylady, dep habarlaıdy Egemen.kz.
Is-sharaǵa baılanysty qalanyń birneshe kóshesinde qozǵalys shekteledi:
Túrkistan kóshesi (bir baǵyt, Aqmeshit kóshesinen Abý-Dabı Plazaǵa deıin): 07:00-den 08:05-ke deıin jabyq; Aqmeshit kóshesi (bir baǵyt, márege deıin): 07:00-den 09:15-ke deıin jabyq; Uly-Dala dańǵyly: 07:10-dan 07:40-qa deıin jabyq; Aqmeshit kóshesi (Nurlan Balǵymbaev kóshesine deıin): 07:15-ten 07:50-ge deıin jabyq.«Is-shara 2012 jyldyń tamyzynda ótken Qazaqstandaǵy alǵashqy júrek transplantasııasyna oraılastyrylǵan. Transplanttaýdy úılestirý jáne joǵary tehnologııalyq medısınalyq qyzmetter jónindegi respýblıkalyq ortalyqtyń derekterine súıensek, qazirgi ýaqytta júrek transplantasııasynyń kútý paraǵynda 4 myńnan astam adam kezekte tur. «Júregimniń jeńimpazy» jarys festıvali osy adamdardy qoldaýǵa jáne elimizdegi transplantologııa máselelerine jurtshylyqtyń nazaryn aýdarýdy kózdeıdi», dep habarlady qaıyrymdylyq jarysynyń uıymdastyrýshylary.
Aıta keteıik, jarysqa belgili qoǵam qaıratkerleri, medısınalyq jáne halyqaralyq uıymdardyń ókilderi, sondaı-aq eriktiler qatysady.