Oral qalasynyń turǵyndarynan túsken kóptegen ótinishterge baılanysty 2024 jyldyń 19 qyrkúıeginen bastap №81/82 «Astana-Aqtóbe» Talgo poıyzynyń marshrýty Oralǵa deıin uzartyldy. Bul týraly «Jolaýshylar tasymaly» AQ baspasóz qyzmeti habarlady, dep jazady Egemen.kz.
Poıyz kún ara qatynaıdy. Bıletterdi bilet.railways.kz saıtynan jáne «Jolaýshylar tasymaly» AQ bılet kassalarynan alýǵa bolady.
Poıyz kún ara shamamen 350 jolaýshyny tasymaldap, Astana, Qostanaı, Aqtóbe, Oral sııaqty iri qalalardy qosa alǵanda, 15 stansııada aıaldaıdy.
Qosymsha aqparatty 1433 tegin nómiri arqyly, sondaı-aq «Jolaýshylar tasymaly» AQ resmı ınstagram akkaýntynan @jolaushylar_tasymaly alýǵa bolady.