Mádenıet jáne aqparat mınıstri Aıda Balaeva Álııa Moldaǵulova týraly kórkem fılmniń túsirilimi nege toqtatylǵanyn aıtty, dep jazady Egemen.kz.
Aıda Balaeva «Álııa» fılmi negizgi jobalardyń biri bolyp qala beretinin aıtty. Fılmniń bıýdjeti 900 mıllıon teńgeden asady.
«Maýsym aıynda fılm túsirýdi josparlap otyrǵan komanda ulttyq kınony qoldaý memlekettik ortalyǵy uıymdastyrǵan pıtchıngke qatysty (ınvestorlardy tabýǵa arnalǵan kınojobanyń tusaýkeseri). Vedomstvoaralyq komıssııaǵa qarjylandyrýǵa 18 joba usynyldy, onyń ishinde «Álııa» fılmi de bar. Álııa Moldaǵulovany eske alý týraly fılmniń kórermen úshin mańyzdylyǵyn eskere otyryp, kınokompanııa memlekettik qarajatty utymsyz paıdalanbaý úshin konkýrsqa qatysýdy ýaqytsha toqtata turýǵa sheshim qabyldady», dep jazdy mınıstr Facebook paraqshasynda.
Onyń aıtýynsha, bul sheshim jobany iske asyrýdy keıinge qaldyrýdyń joǵary qaýpimen baılanysty. О́ıtkeni túsirilimniń negizgi bóligi, atap aıtqanda, áskerı qımyldar sahnasy Belarýs aýmaǵynda josparlanǵan. Biraq kórshi el basqa jobalardyń jumysy kóp bolǵandyqtan, qajetti alańdardy áli bere almaı otyr. Sondyqtan joba avtorlary Shyǵys Qazaqstan oblysyndaǵy óz alańdaryn qaıta qurýdy uıǵardy.
«Jobany qarjylandyrýda qıyndyqtar joq, biz túsirilimdi ýaqytynda aıaqtap, úlken ekrandarda kórsetýge bar kúshimizdi salamyz», dedi A.Balaeva.