Keıingi 5 jylda Qazaqstandaǵy qalalar sany 2 oblystyq jáne 1 aýdandyq mańyzy bar qalalardy qosa alǵanda 3 qalaǵa artqan. Al Ulttyq statıstıka bıýrosynyń osy jyldyń 1 shildedegi deregine saı elimizde qala mártebesi bar 90 eldi meken tirkelgen, dep jazady Egemen.kz.
Eń kóp qala Aqmola oblysynda tirkelgen. Olardyń sany - 11. Aqtóbe jáne Qaraǵandy oblystarynda — árqaısysynda 8 qala mártebesi bar eldi meken bar.
Bes jyl buryn qala halqynyń úlesi 58% qurasa, búginde bul kórsetkish 62,7% deıin ósken. Osylaısha qala halqynyń sany 12,6 mln adamǵa jetti.
Eń kóp qala turǵyndarynyń sany Respýblıkalyq mańyzy bar qalalarda: Astana – 1,4 mln, Almaty – 2,2 mln, Shymkent – 1,2 mln adam. Oblystar ishinde 927 myń qalalyq turǵyny bar Qaraǵandy men 709 myń qala turǵyny bar Aqtóbe oblystarynda ýrbanızasııa deńgeıi joǵary kórsetkishke ıe.