Úndistannyń Andhra-Pradesh shtatyndaǵy farmasevtıkalyq zaýytta jarylys bolyp, 17 adam qaıtys boldy, dep habarlaıdy Egemen.kz Independent basylymyna silteme jasap.
Oqıǵa 21 tamyz kúni Escientia Advanced Sciences zaýytynda bolǵan. Jergilikti bıliktiń málimetinshe, jarylys saldarynan 17 adam qaza taýyp, taǵy 40 adam túrli dárejedegi dene jaraqattaryn alǵan.
Tótenshe jaǵdaıdyń aldyn ala sebebi hımııalyq reaktordan shyqqan bý bolǵan. Jarylystyń naqty sebebi tergeý arqyly anyqtalady. Búginde beınebaqylaý kameralarynyń jazbalary zerttelip, jarylysqa adam faktorynyń qatysy bar-joǵy anyqtalyp jatyr.
Aıta keteıik, atalǵan jarylys sońǵy birneshe jyldaǵy shtattaǵy eń iri jarylys bolǵan.