Qostanaıda ákimniń jınalysy ótip jatqan ýaqytta jaryq óship qaldy, dep habarlaıdy Egemen.kz.
Elektr qýatynyń úzilýi týraly Qostanaı GES basshysy Eset Álıev túsinikteme berdi. Qostanaıda bul másele sońǵy ýaqytta jıilep ketti. Qala turǵyndary «Aıkómekke» elektr qýatynyń úzilýine qatysty jıi shaǵymdanatyn boldy.
Apattyń saldarynan shaǵyn aýdandar jıi jaryqsyz qalady. Al elektrmen jabdyqtaý uıymy sebepterdiń ártúrli ekenin málimdedi. Biraq kóbinese jelilerdiń barynsha tozýynan bolyp otyr.
«Bizde elektrmen jabdyqtaý turaqty bolýy kerek. Qazandyqtarda, qalamyzdyń barlyq jerinde. Sol sııaqty «Qostanaı-sý» turaqty bolýy tıis. Eshqandaı suraq bolmaýy kerek. Sol sebepti qaıta tekserý kerek. Tıisinshe, emdeý mekemeleri de elektr qýatynsyz qalmaýy qajet. Qalǵandaryna shydaı alamyz, al buǵan kepildik berilýi tıis», – dep atap ótti Qostanaı oblysynyń ákimi Marat Júndibaev.
Belgili bolǵandaı, mehanıkalyq zaqymdaný saldarynan elektr qýaty úzilgen.
«Atap aıtqanda, jaryqtyń óshýi 10kV «zavodskaıa-RP-13» kabeldik jelisiniń úshinshi tarap uıymynyń aralasýyna baılanysty boldy. Bul qalanyń ortalyq bóliginde elektr qýatyna áser etti. Sondaı-aq, Qostanaı qalalyq elektr jelisi barlyq jumysyn «EPK-Forfait» JShS-men aldyn ala kelisý qajet ekenin habarlaıdy», – dedi Eset Álıev.