Qazaqstan namysyn qorǵaǵan álemniń tórtinshi raketkasy Elena Rybakına chempıonattyń ekinshi aınalymynda Fransııanyń 27 jastaǵy ókili Djessıka Ponshemen kortqa shyǵýy kerek edi. Alaıda oıynǵa bir saǵat qalǵanda sportshy óz jaraqatyna baılanysty jarysqa qatyspaıtynyn málimdedi, dep habarlaıdy Egemen.kz.
«Jaraqattaryma baılanysty bas tartýǵa májbúr boldym. Osy maýsymdaǵy sońǵy «Úlken dýlyǵa» týrnırin osylaı aıaqtaǵym kelmegen edi. Alaıda densaýlyǵyma qaraýym kerek boldy. Jyl sońyndaǵy jarystardy sátti ótkizemin dep oılaımyn. Meni qoldaǵan jáne qoldap jatqan barlyq jankúıerlerime alǵys bildiremin. Al qalǵan oıynshylarǵa sáttilik tileımin», dedi Elena Rybakına.
Eske sala keteıik, Elena Rybakına Ýımbldon týrnırinen keıin bronhıtpen aýyryp, dárigerler oǵan kortqa shyǵýǵa tyıym salǵanyn aıtyp, bıyl Parıjde ótken Olımpıada oıyndarynan bas tartqan edi.