«QazAvtoJol» UK AQ-nyń burynǵy basshysy bıýdjet qarajatyn jymqyrý isi boıynsha jaýapkershilikke tartylady, dep habarlaıdy Egemen.kz Bas kólik prokýratýrasynyń baspasóz qyzmetine silteme jasap.
Vedomstvo Esil ózeni arqyly kópir salý jáne «Jaqsy-Esil – Býzýlýk» avtojolyn kúrdeli jóndeýge bólingen memlekettik qarajatty jymqyrdy degen kúdikpen «QazAvtoJol» UK AQ burynǵy tóraǵasy men bas merdigerge qatysty tergeý aıaqtalǵanyn habarlady.
«Tergeý nusqasy boıynsha «QazAvtoJol» UK» AQ basshylyǵy merdigerge negizsiz artyqshylyq bildirip, maqsatsyz paıdalanylǵan 200 mln teńge kóleminde avans bere otyryp, bir kózden alý tásilimen zańsyz shart jasasty», delingen habarlamada.
Resmı málimet boıynsha, Kólik prokýratýrasy isti Astana qalasynyń sotyna joldaǵan.