Astanada 8 - 13 qyrkúıek aralyǵynda ótetin V dúnıejúzilik kóshpendiler oıyndarynda 21 sport túrinen 97 medal jıyntyǵy úlestiriledi, dep jazady Egemen.kz.
Bul týraly Dúnıejúzilik kóshpendiler oıyndaryn daıyndaý jáne ótkizý jónindegi dıreksııa basshysynyń orynbasary Abylaı Qondybaev ortalyq kommýnıkasııalar alańynda ótken brıfıngte aıtty.
V dúnıejúzilik kóshpeliler oıyndaryndaǵy jarystarǵa 89 elden 2430 qatysýshy tirkelgen. Onyń ishinde, jattyqtyrýshylar, sportshylar, mádenı jáne ǵylymı jobalarǵa qatysatyn adamdar da bar.
«Ǵylymı baǵdarlamaǵa 12 elden 75 qatysýshy tirkelgen. Konferensııa 9 qyrkúıek kúni ótedi. Al etnoaýylda 100-den astam mádenı is-shara uıymdastyrylady. 72 jıyntyqty quraıtyn 581 medal tabystalady», dedi Abylaı Qondybaev.
Jeńimpazdarǵa beriletin jalpy júlde qory 250 mln teńge.
Aıta keteıik, kóshpendiler oıyndaryna 560 sporttyq at pen 45-ke jýyq qus qatysady.