Elimizde meıramhanaǵa kelgen qonaqtardan tapsyrys berilgen taǵam qunynan bólek, daıashynyń qyzmeti úshin 10 paıyzdyq qosymsha aqy alýǵa endi zań júzinde tyıym salynady. Saýda jáne ıntegrasııa mınıstri Arman Shaqqalıevtyń aıtýynsha qazan aıynda ishki saýda erejesine ózgeris engizý josparlanyp otyr.
Senattyń jalpy otyrysynan keıingi baspasóz máslıhatynda tilshilerdiń saýalyna jaýap bergen mınıstr osy erejelerdi pysyqtap jatqandaryn aıtty.
«Bul másele qoǵamda kópten talqylanyp keledi. Qazir dámhanalarda osy aqyny chekke qosyp jazyp beretin bolǵan. Saýda erejesine ózgeris engizilgennen keıin bul alym zańsyz bolyp sanalady. Meıramhana qyzmetin alýshylar bir qyzmetke eki ret aqy tóleýge mindetti emes, dedi mınıstr.