Qazaqstannyń Ýkraınadaǵy elshiligi sol memlekette júrgen otandastarymyzǵa úndeý joldady, dep jazady Egemen.kz.
«Shıelenistiń kúsheıýine baılanysty jáne qaýipsizdik maqsatynda Qazaqstan Respýblıkasynyń Ýkraınadaǵy Elshiligi Qazaqstan azamattaryna Ýkraına aýmaǵynan ketý múmkindigin qarastyrýdy usynady.
Ýkraınadan Qazaqstanǵa barý úshin Qazaqstan Respýblıkasynyń azamattary jerústi baǵyttaryn paıdalana alady: Polsha nemese Moldova arqyly, odan ári – kommersııalyq áýe qatynasy arqyly.
Polsha arqyly ketken jaǵdaıda Qazaqstan azamattarynda Shengen vızasy bolýy qajet. Moldovaǵa kirý úshin vıza qajet emes. Elshiliktiń konsýldyq bóliminiń baılanys telefondary: +38 (044) 4831596, +38(044) 4891031.
Qazaqstan azamattaryna arnalǵan jedel jeli (tótenshe jaǵdaıda): +380673470408», delingen elshilik taratqan
Sondaı-aq habarlamada elshilik barlyq azamattardy áýe shabýyly týraly eskertýdi elep, qaýipsizdik sharalaryn saqtaýǵa jáne resmı organdardyń usynystaryn oryndaýǵa shaqyrǵan.