El Prezıdentiniń halyqqa Joldaýynda sıfrlyq tehnologııalardy damytýǵa basa nazar aýdardy. Qoǵamnyń ár salasyna qarqyndy enip jatqan sıfrlandyrý úrdisin otandyq orta bilim júıesine kiriktirý bizge júktelgen zor mindet dep bilemiz.
Bilim berý salasynyń barlyq deńgeıine zamanaýı tehnologııalardy engizý bilim alýshylardyń qajettilikteri men múddelerine baǵyttalýy qajet. Búgingi oqýshylardyń turǵylyqty jeri men áleýmettik ortasyna qaramastan sapaly bilim alýyna qolaıly jaǵdaı jasaýdyń ońtaıly quralynyń biri – bilim úderisin sıfrlandyrý.
Elimizdegi mektepterdiń 74%-y aýyldyq jerde ornalasqanyn eskersek, bilim berý úrdisinde sıfrlandyrý ıgiligin paıdaǵa jaratý aýyl jáne qala mektepteriniń aıyrmashylyǵyn edáýir qysqartady.
Y.Altynsarın atyndaǵy Ulttyq bilim akademııasy aýyldyq shaǵyn jınaqty mektepterdiń oqý úderisine sıfrlyq tehnologııalardy engizý boıynsha respýblıkalyq jobalardy iske asyrýǵa belsendi atsalysty. Naqty aıtqanda, 2023-2024 oqý jylynda Y.Altynsarın akademııasy Oqý-aǵartý mınıstrligi jáne «Qazaqstan halqyna» qaıyrymdylyq qorynyń qoldaýymen «Sıfrlyq tehnologııalardy paıdalanyp Aqtóbe oblysynyń shaǵyn jınaqty aýyl mektepteriniń áleýetin damytý» qanatqaqty jobasyn júzege asyrýǵa qatysty. Akademııanyń ádisker ǵalymdary Aqtóbe óńirindegi qanatqaqty jobaǵa oqý-ádistemelik kómek pen ǵylymı-ádistemelik qoldaý kórsetti. Aqtóbelik ustazdarǵa oqytý semınarlary, fasılıtasııalyq sessııalar ótkizip, olardyń sabaqtaryna qatysyp, keri baılanys berdi. Sonymen qatar qashyqtan oqytý jáne biriktirilgen synyptary bar mektepterdiń oqý úderisin uıymdastyrý boıynsha ádistemelik usynymdar ázirledi. Atalǵan jumystar nátıjesinde shaǵyn jınaqty aýyl mektepteriniń pedagogteri sabaq ústinde bilim berý resýrstaryn tıimdi paıdalaný, oqý materıaldaryn ázirleýde ártúrli sıfrly qosymshany ońtaıly qoldaný daǵdylaryn shyńdap, qashyqtan oqytý formatynda bilim alýshylarmen belsendi qarym-qatynas ornatý ádis-tásilderi men baǵalaý júrgizýde sıfrly sheshimderdi paıdalaný tájirıbesin meńgerdi. Aqtóbe oblysynyń tirek jáne shaǵyn jınaqty mektepter pedagogteriniń arasynda tıimdi kollaborasııa ornap, aýyl mektepteri pedagogteriniń ortaq pándik ádistemelik toptary qurylyp, tıimdi oqytý ádisterin engizýge baǵyttalǵan birlesken jumystary iske asyryldy.
Sonymen qatar Y.Altynsarın akademııasynyń jetekshilik etýimen Soltústik Qazaqstan oblysynda oqytý úderisin sıfrlandyrý jobasy júrdi. Atalǵan joba aıasynda shaǵyn jınaqty aýyl mektepteriniń bilim alýshylary sıfrlyq bilim berý resýrstaryna qol jetkizdi, oblystyń tájirıbeli pedagogterinen bilim aldy, sıfrlyq keńistikte jumys isteý daǵdylaryn qalyptastyrdy, oqýǵa degen yntalary artty. Al óńirdiń ustazdar qaýymy qashyqtyqtan bilim berý formatynda oqytý daǵdylaryn jetildirip, ozyq ári úzdik tájirıbelerimen almasyp, oqytý úderisine ózderiniń ınnovasııalyq tásilderin engizý quzyretin ushtady.
Atalǵan jobalardy iske asyrýdyń nátıjesinde biz shaǵyn jınaqty aýyl mektepteri jáne mektep júregi – pedagogter qaýymynyń bilim berý sapasyn jaqsartýda sıfrlyq tehnologııalar ıgiligin tıimdi paıdalaný ózgeristerine daıyn ekenine kózimiz jetti.
Bizdiń akademııa ǵalymdary men qyzmetkerleri orta bilim berý salasyna sıfrlyq sheshimderdi engizý, olardyń bilim alýshylardyń oqý jetistikterine áseri, bilim berý úderisinde vırtýaldy jáne tolyqtyrylǵan shyndyqty paıdalanýdyń ádisnamalyq, psıhologııalyq-pedagogıkalyq jáne tehnologııalyq aspektileri boıynsha zertteýler júrgizip jatyr. Sonymen qatar pedagogıkalyq praktıkada sıfrlyq bilim berý resýrstary men jasandy ıntellekt quraldaryn paıdalaný boıynsha ádistemelik usynymdar ázirlep jatyr.
Asyly, qazirgi otandyq orta bilim berý júıesiniń ózekti maqsaty – sıfrlyq dáýirdiń táýekelderine tótep beretin jáne básekege qabiletti túlekterdi daıarlaý. Osy maqsatqa jetý jolynda Y.Altynsarın akademııasy orta bilim berý salasyn sıfrlandyrý transformasııasyn ǵylymı-ádistemelik qoldaý jumysyn jalǵastyra beredi.
Mádına TYNYBAEVA,
Oqý-aǵartý mınıstrligi Y.Altynsarın atyndaǵy Ulttyq bilim akademııasynyń prezıdenti