Aqtóbeniń tabıǵat qorǵaý prokýrorlary «Voshod Hrom» JShS-niń qyzmetinde Hromtaý aýdanynda hrom kenin óńdeý kezinde buzýshylyqtardy anyqtady, dep habarlaıdy Egemen.kz.
Qadaǵalaý organy 2022 jyl boıy kásiporynnyń mindetti ekologııalyq ruqsatsyz jumys istegenin anyqtaǵan. Tıisinshe, osy kezeńdegi barlyq emıssııalar, bul atmosferaǵa 52 tonnadan astam lastaýshy zattardyń shyǵaryndylary (beıorganıkalyq shań, 3 valentti hrom, magnıı oksıdi jáne t.b.), sondaı-aq jalpy 395 myń tonna kóleminde ornalastyrylǵan iri kesek jáne shlamdy baıytý qaldyqtary normatıvten joǵary, ıaǵnı zańsyz dep tanyldy.
«Tabıǵat qorǵaý prokýratýrasynyń sharalarymen kásiporynǵa ekologııalyq ruqsatsyz qyzmetti júzege asyrǵany úshin, 2,9 mlrd teńgeden astam somaǵa aıyppul salyndy. Seriktestik ákimshilik jaýapkershilikke tartý týraly qaýlyǵa sot tártibimen shaǵym jasaldy», dep habarlady oblystyq prokýratýranyń baspasóz qyzmeti.
Oblystyq sottyń birinshi jáne apellıasııalyq satylary aıyppuldy zańdy dep tanydy.