El Prezıdenti Qazaqstan halqyna Joldaýynda bıýdjet mindettemeleri men múmkindikteri turǵysynan sáıkestendirilgen bazalyq memlekettik medısınalyq kómektiń biryńǵaı paketin qurýdy tapsyrdy. «Odan asyp ketken qarjy saqtandyrý júıesi arqyly tólenýi kerek», – dep atap ótti Memleket basshysy. Osyǵan oraı paket jobasy búgin densaýlyq saqtaý mınıstriniń tóraǵalyǵymen, óńirlik densaýlyq saqtaý basqarmalary jáne vedomstvolyq baǵynysty uıymdar basshylarynyń qatysýymen ótken apparat otyrysynda qaraldy, dep habarlaıdy Egemen.kz.
Medısınalyq kómektiń biryńǵaı paketi – kepildendirilgen jáne saqtandyrý qyzmetteriniń arasyndaǵy qaıtalanýdy joıatyn medısınalyq qyzmetterge qoljetimdilikti arttyrýǵa jasalǵan naqty qadam. Medısınalyq kómek retke keltirilip, anaǵurlym túsinikti bola túsedi, árbir qazaqstandyq saqtandyrý paketine ne kiretinin jáne qajetti medısınalyq qyzmetterdi qalaı alatynyn biletin bolady.
«Sonymen qatar otyrysta áleýmettik ál-aýqatynyń deńgeıi qıyn jáne shuǵyl kómekti qajet etetin azamattar úshin MÁMS-ke jarnany jergilikti atqarýshy organdar esebinen tóleý týraly másele kóterildi. Mundaı tásil qazirgi tańda saqtandyrý júıesinen tys qalyp otyrǵan 1 mıllıonnan astam qazaqstandyqtardyń medısınalyq qyzmetterge qoljetimdiligin qamtamasyz etedi», - delingen habarlamada.
Buǵan deıin joba kásibı medısınalyq qoǵamdastyq arasynda talqylandy. Atalǵan bastama 2025 jyldan bastap kezeń-kezeńimen júzege asyrylady. Júıeni tolyqtaı 2027 jylǵa qaraı engizý kózdelýde, bul mindetti medısınalyq saqtandyrýmen (MÁMS) halyqtyń 95%-dan kem emes bóligin qamtýǵa septik etedi.