Memleket basshysy bıylǵy Joldaýynda ınvestısııalyq ahýal men bıznes júrgizýge qajetti jaǵdaıdy jaqsartý jolyndaǵy úzdiksiz jumys isteý máselesiniń mańyzdy ekenin atap ótti.
Rasynda, qazir álemde ınvestısııaǵa degen talas qatty beleń alǵan. Osyndaı kezde syrttan keletin ınvestorlardyń jolyn tosyp otyra bermeı, elge qarjy tartýǵa Prezıdent Joldaýda atap ótken «dál osy jerde jáne dál qazir» qaǵıdasymen áreket etkenimiz jón. Sol sebepti Úkimet janyndaǵy Investısııa shtabynyń quzyretin keńeıtý naqty qadam bolyp otyr.
Bul sheshim metaldy tereńdete óńdeý, munaı-gaz-kómir hımııa, týrızm, energetıka jáne mashına jasaý sııaqty strategııalyq mańyzdy salalardaǵy jobalardy júzege asyrýdy jyldamdatady. Ol jańa tehnologııalardy engizýdi jeńildetip qana qoımaı, myńdaǵan jumys ornyn ashyp, el ekonomıkasynyń ósýine yqpal etedi.
Investorlardy tartý bıliktiń barlyq tarmaǵynyń ortaq múddege belsendi qatysýyn talap etedi. Úkimet óz jumysyn tabysqa qol jetkizý baǵytyna qaraı beıimdep, bul iske tek ortalyq organdar ǵana emes, jergilikti atqarýshy bıliktiń te belsendi qatysqany mańyzdy. Ásirese halyqaralyq qarjy ınstıtýttarymen birlesip, memleket-jekemenshik áriptestigi jobalaryn sapaly daıyndaýǵa erekshe nazar aýdarý qajet. Joldaýda Memleket basshysy Úkimetke halyqaralyq qarjy uıymdary memleket-jekemenshik áriptestigi tásilimen qarjylandyryp, tolyq júzege asyratyn aýqymdy jobalardyń tizimin jasaýdy tapsyrdy.
Jalpy, memleket-jekemenshik áriptestigi arqyly qarjylandyrylatyn aýqymdy jobalardy anyqtaý, iske qosý qarajatty tıimdirek paıdalanýdy qamtamasyz etedi jáne máni bar bastamalardy júzege asyrýdy jedeldetedi. Sondaı-aq Memleket basshysy shaǵyn jáne orta bıznesti júıeli qoldaýdyń mańyzdylyǵyn atap ótti. Bul bastamany búkil bıznes qaýymdastyǵy qoldaıdy.
«Usynylatyn jeńildikterdiń bıznes ókilderine túsinikti biryńǵaı tizimin ázirleý qajet. Shaǵyn jáne orta bıznesti damytý úshin fınteh tásilderin paıdalanýǵa bolady. Bul másele boıynsha tıisti usynystar bar», dedi Prezıdent Joldaýda.
Osy rette Úkimet shaǵyn jáne orta bıznesti ashý rásimderin ońtaılandyryp, bar shekteýlerdi alyp tastap, qoldaý sharalary týraly alǵashqy aqparatty alýdy isin jańa bastaǵan kásipkerler úshin qoljetimdi etý kerek dep esepteımin.
Biz partııa retinde bıznes máselelerinen habardar bolýǵa, tikeleı aınalysýǵa quqylymyz. О́ńirlerge shyqqan issaparlarymyz aıasynda kásipkerlermen kezdesip júrmiz jáne olardyń únin, óz usynystarymyzdy Úkimetke jetkizýge barynsha tyrysamyz.
«Bıyl egis naýqanyna eki ese kóp qarajat bólindi. Alaıda agroónerkásipke bólinetin búkil aqshanyń 70 paıyzy – memleket qarjysy. Bul salaǵa kommersııalyq bankterdiń qarajatyn da tartý qajet. Dıqandarǵa ósimi az nesıe berý úshin memlekettik qarjy ınstıtýttaryn sýbsıdııalaý sharalary qolǵa alyndy. Bankterge qatysty osyndaı tájirıbeni qoldaný kerek», degen Prezıdent memlekettik qarjy ınstıtýttary arqyly nesıe alý máselelerine erekshe nazar aýdarý qajettigin basa aıtty. Nesıe sharttaryn oryndaýda problemalar jıi týyndaıdy, al kepildik talaptary qujattarda kórsetilgenderge sáıkes kele bermeıdi. Qajetti qujattar tizimin naqty retteý qajet.
Jalpy, qoldaý sharalaryn júıeleý jáne tikeleı sýbsıdııalaýdan jeńildetilgen nesıeleýge kóshý – der kezinde jasalǵan qadam. Kásipkerlerge jeńildetilgen nesıelendirýge qol jetkizý mańyzdyraq, al memleket úshin bul turaqty ekonomıkalyq ósýge yqpal etetin ınvestısııanyń qaıtarylýyn qamtamasyz etedi.
Aıdarbek HOJANAZAROV,
Májilis depýtaty