Premer-mınıstr Oljas Bektenovtiń tóraǵalyǵymen ótken Úkimet otyrysynda ónerkásip jáne qurylys mınıstri Qanat Sharlapaev sý tasqynynan zardap shekken el azamattaryna arnalǵan 2 576 úıdiń qurylysy aıaqtalǵanyn málimdedi, dep habarlaıdy Egemen.kz.
Aıta keterligi, úılerdi salý jumystary mamyr aıynyń sońynda bastalyp, 4 aı ishinde aıaqtalǵan.
Soltústik Qazaqstan, Aqtóbe, Qostanaı jáne Atyraý oblystarynda sý tasqynynan zardap shekkenderge arnalǵan úılerdiń qurylysy 100% aıaqtalǵan. Aqmola (38 úı) jáne Batys Qazaqstan óńirlerinde (66 úı) qurylys jumystary áli de jalǵasyp jatyr. Jańa úılerdi qyrkúıek aıynyń sońynda tapsyrý josparlanyp otyr.
Eske sala keteıik, kóktemgi sý tasqyny saldarynan Qazaqstanda barlyǵy 17 603 úı zardap shekken, onyń 8 447-si keıinnen apatty dep tanylǵan edi. Memleket jańa úıler salýdan bólek, qaıtalama naryqta 5 767 birlik turǵyn úı satyp alǵan.