Senat depýtattary Álı Bektaev, Darhan Qydyráli jáne Alısher Satvaldıev Túrkistan oblysyndaǵy Saıram aýdanynda bolyp, «Mankent shıpajaıy», «AHBK» jáne «MANKENT CLINIC» JShS kásiporyndarynyń qyzmetkerlerimen kezdesti, dep jazady Egemen.kz.
Senatorlar atom elektr stansııasynyń ónerkásip pen shaǵyn jáne orta bıznesti damytýdaǵy róli men artyqshylyǵyna toqtaldy. AES óndiretin qoljetimdi jáne tıimdi energııa kásiporyndardyń halyqaralyq arenadaǵy básekege qabilettiligin arttyrýǵa kómektesetinin atap ótti.
Jergilikti turǵyndar óz kezeginde ońtústik óńirlerdegi elektr qýatynyń tapshylyǵy men ımporttyq elektr energııasyna táýeldilikke alańdaýshylyq bildirip, aldaǵy referendýmda belsendilik tanytatyndaryn da jetkizdi.
Kezdesýge qatysýshylar sonymen qatar medısınalyq qyzmet kórsetý, emdeýdiń jańa ádisterin engizý, shıpajaıdaǵy jabdyqtardy jańartý, sanıtarlyq normalardy saqtaý jáne medısınalyq qyzmet kórsetý sapasyn arttyrý máselelerin talqylady.