Qazaqstannyń eńbek sińirgen qaıratkeri, memlekettik syılyqtyń laýreaty, aqyn, dramatýrg Nurlan Orazalın Qazaqstanda atom elektr stansııasyn salý máselesi boıynsha ótken referendýmǵa qatysty, dep habarlaıdy Egemen.kz.
Nurlan Orazalın №125 mektepte ornalasqan №301 saılaý ýchaskesine baryp, daýys berdi.
«Men Qazaqstan azamaty retinde konstıtýsııalyq quqyǵymdy paıdalanyp, daýys berdim. О́ıtkeni el taǵdyry – meniń taǵdyrym, balalarymnyń, halqymnyń taǵdyry. Búgin biz úshin tarıhı kún. Bul referendým – demokratııalyq qundylyqtyń kórsetkishi. Qazirgi tańda bizge kóptegen múmkindik usynylyp otyr. Bizdiń elimizdi búkil álem baqylap otyr, sondyqtan qazaqstandyqtar birlik tanytyp, konstıtýsııalyq quqyǵyn durys paıdalanýy kerek dep sanaımyn», dedi ol.