Almaty oblysynyń ortalyǵynda múgedektigi bar 1088 adam tirkelgen.
Al referendým ýchaskesine bara almaıtyn jalǵyzbasty qarttar men múgedektigi bar Qonaev qalasyndaǵy 150 adamnan úıden daýys berýge ótinim túsken.
Sonyń biri jasy 80-nen asqan Grıshenko Lıdııa Fedorovna. Ol qaladaǵy 2-shaǵynaýdanda turady. 1941 jyly dúnıege kelgen.
«Qartaıǵan shaǵymda da qoǵam ómirine belsene atsalysqym keldi. Sondyqtan úıden daýys berýge ótinim berdim. Referendým – mańyzdy oqıǵanyń biri. Daýys berý – azamattyq paryzymyz», deıdi ájeı.
Bul kúnde 5 balany ósirip, jetkizgen keıýana bala-shaǵasynyń da túgel daýys bergenin atap ótti.
Almaty oblysy