QR Densaýlyq saqtaý mınıstrligi men Halyk medısınalyq qyzmetterdi sıfrlandyrý salasyndaǵy yntymaqtastyq týraly memorandýmǵa qol qoıdy, dep habarlaıdy Egemen.kz.
Densaýlyq saqtaý mınıstrligi men Halyk medısınalyq ınfraqurylymdy jaqsartýǵa jáne halyqtyń medısınalyq kómek alýy úshin barynsha qolaıly jaǵdaı jasaýǵa múmkindik beretin birlesken ınnovasııalyq jobalar týraly kelisti. Bul úshin banktiń sıfrlyq tehnologııalary belsendi paıdalanylady. Tıisti memorandýmǵa Densaýlyq saqtaý mınıstri Aqmaral Álnazarova men Halyk Bank basqarma tóraǵasy Úmit Shaıahmetova qol qoıdy.
Qujatta densaýlyq saqtaýdy sıfrlandyrý, áleýmettik máni bar aýrýlardyń profılaktıkasy baǵdarlamalaryn qoldaý jáne shalǵaı óńirlerdi qosa alǵanda, Qazaqstannyń barlyq azamaty úshin medısınalyq qyzmetterdiń qoljetimdiligin qamtamasyz etý jónindegi birlesken bastamalardy iske asyrýǵa erekshe nazar aýdarylǵan.
«Halyk Bank-pen yntymaqtastyq densaýlyq saqtaý júıesine ozyq tehnologııalardy engizýge jáne sapaly medısınalyq kómekke qoljetimdilikti jaqsartýǵa múmkindik beredi. Biz elimizdiń áleýmettik ınfraqurylymyn damytýda sheshýshi ról atqaratyn iri qarjy ınstıtýttarymen áriptestikte zor áleýetti kórip otyrmyz», dedi mınıstr Aqmaral Álnazarova.
О́z tarapynan Halyk basshysy Úmit Shaıahmetova Densaýlyq saqtaý mınıstrligimen birlesken jumys zamanaýı tehnologııalardy engizýge jáne ult densaýlyǵyn qoldaý úshin jańa baǵdarlamalardy damytýǵa múmkindik beretinine senim bildirdi.
«Biz medısınalyq mekemelerdiń jabdyqtaryn jańǵyrtýǵa belsendi qatysýǵa, sondaı-aq medısınalyq qyzmetterdiń sapasyn arttyrýǵa baǵyttalǵan áleýmettik jobalardy qoldaýǵa daıynbyz. Sonymen qatar, zamanaýı tehnologııalardy engizý densaýlyq saqtaý júıesine degen ashyqtyq pen senimdi arttyrýǵa múmkindik beredi. Densaýlyq saqtaý mınıstrligimen áriptestigimiz halyqtyń zamanaýı talaptary men qajettilikterine jaýap beretin tıimdi, qoljetimdi jáne joǵary sapaly júıeni qurý úshin negiz bolady dep úmittenemiz», dep atap ótti Úmit Shaıahmetova.
Eki tarap bul yntymaqtastyq bıznestiń áleýmettik jaýapkershiligin nyǵaıtýǵa jáne Qazaqstanda medısına men densaýlyq saqtaýdyń turaqty damýyna járdemdesýge mańyzdy qadam bolady dep senim bildirip otyr.