Bıyl hımııa boıynsha Nobel syılyǵy aqýyzdyń kompıýterlik dızaıny men olardyń úsh ólshemdik qurylymyn jasaǵan ǵalymdar Devıd Beıker, Demıs Hassabıs jáne Djon Djamperge berildi. Bul jóninde 9 qazanda Nobel komıteti habarlady, dep jazady Egemen.kz.
.Vashıngton ýnıversıtetiniń professory Devıd Beıker «aqýyzdyń kompıýterlik dızaınyn jasaǵany úshin» syılyqty ıelendi. Onyń ǵylymı eńbegi aqýyzdyń múlde basqa túrlerin túzýge jol ashady.
«Google-ǵa qarasty Google DeepMind kompanııasynyń qyzmetkerleri Demıs Hassabıs jáne Djon Djamper aqýyzdyń barlyq túriniń qurylymyn boljaý úshin jasandy ıntellektini qoldanǵan. Mundaı jańalyqtyń potensıaly zor», dep jazylǵan Nobel komıtetiniń saıty taratqan habarlamada.
Aıta keteıik, Nobel syılyǵynyń laýreattaryna altyn medal, dıplom men 11 mln shved krony kóleminde aqshalaı syılyq (bıyl onyń kólemi shamamen 1,1 mln dollar) beriledi.