О́zbekstanda prezıdent ákimshiliginiń aqparattyq saıasat bóliminiń burynǵy basshysy Komıl Allamjonovtyń ómirine qastandyq jasady degen kúdiktilerdiń biri ustaldy, dep habarlaıdy Egemen.kz.
О́zbekstan Bas prokýratýrasynyń málimetinshe, 26 qazanǵa qaraǵan túni Qıbraı aýdanyndaǵy Ifor kóshesinde Allamjonovtyń Range Rover kóligine eki adam birneshe ret oq atqan. Oqıǵa saldarynan eshkim zardap shekpegen, Qylmystyq kodekstiń 97-baby (Qasaqana kisi óltirýge oqtalý) jáne 248-baby (Zańsyz qarý aınalymy) boıynsha qylmystyq is qozǵalǵan.
«Jedel izdestirý is-sharalary aıasynda osy qylmysty jasaǵandardyń biri anyqtalyp, kúdikti retinde ustaldy», delingen Bas prokýratýranyń habarlamasynda.
Eske sala keteıik, buǵan deıin BAQ shabýyldyń 26 qazan kúni saǵat túngi 1:30 shamasynda Qıbraı aýdanyndaǵy Komıl Allamjonovtyń úıiniń janynda bolǵanyn habarlaǵan bolatyn. Belgisiz eki adam ol otyrǵan kólikke birneshe ret oq atyp, oqıǵa ornynan boı tasalaǵan. Allamjonov jaraqat alǵan joq.