Bilim dodasyna jalpy bilim beretin pánder boıynsha respýblıkalyq olımpıadanyń qorytyndy kezeńiniń jeńimpazdary men júldegerleri jáne respýblıkalyq jasóspirimder olımpıadasynyń óńirlik kezeńderiniń qatysýshylary arasynan iriktelgen 9-11 synyptardan 80-ge jýyq oqýshy qatysyp jatyr, dep habarlaıdy Egemen.kz.
Olımpıada baǵdarlamasy bes kúnge josparlanǵan jáne jas hımıkterdiń eń myqtysyn anyqtaý maqsatynda teorııalyq jáne praktıkalyq týrlardy qamtıdy. Maqsaty – daryndy balalardy anyqtaý jáne qoldaý, teorııalyq bilimderi men praktıkalyq daǵdylaryn tereńdetý, sondaı-aq oqýshylardyń hımııa pánine degen qyzyǵýshylyǵyn arttyrý.
Olımpıadaǵa qatysýmen qatar, oqýshylar Sátbaev atyndaǵy úı-murajaıy men tarıhı-óndiristik murajaıyn, taý-ken jáne balqytý ónerkásibi tarıhy murajaıyn, sondaı-aq tarıhı-arheologııalyq murajaıyn aralap, Qazaqstan ǵylymy men mádenıeti murasynan sýsyndap, kórnekti ǵalymdar men ınjenerlerdiń jumysymen tanysatyn bolady.
Olımpıada qorytyndysy boıynsha jeńimpazdar men júldegerler Qazaqstan Respýblıkasy Oqý-aǵartý mınıstrliginiń I, II jáne III dárejeli dıplomdarymen jáne baǵaly syılyqtarmen, sondaı-aq jetekshi joǵary oqý oryndarynda oqýǵa arnalǵan bilim granttarymen marapattalady.
Olımpıadanyń uıymdastyrýshylary – Qazaqstan Respýblıkasy Oqý-aǵartý mınıstrliginiń «Daryn» respýblıkalyq ǵylymı-praktıkalyq ortalyǵy, «The Ulytau Educational Foundation» qoǵamdyq qory jáne Ulytaý oblysynyń bilim basqarmasy. Olımpıada demeýshisi «Qazaqmys» korporasııasy.