6 qazan kúni Qaraǵandy oblysy Qarqaraly aýdanyndaǵy dala órtin sóndirý barysynda qaza tapqan qutqarýshy Halı Qaırattyń marapaty týystaryna tabystaldy, dep jazady Egemen.kz.
Marqum qutqarýshy Prezıdent Jarlyǵymen «Erligi úshin» medalimen marapattaldy.
Qaza tapqan órt sóndirýshiniń ákesine marapatty Qaraǵandy oblysynyń ákimi Ermaǵanbet Bólekpaev tabystady. Jıynǵa órt sóndirýshi-qutqarýshynyń áriptesteri men týystary qatysty.
«Prezıdentimizge bizdiń batyrymyzdy marapattaǵany úshin alǵys aıtamyz. Halı Qaırat on jyldyq qyzmetinde mamandyqqa degen adaldyǵyn kórsetip, erligimen erekshelenip qanshama adam ómirin qutqardy. Ol bizdiń jadymyzda máńgi qalady», dedi Qaraǵandy oblysy TJD bastyǵy Marǵulan Amanbaev.